聖誕隹節冇乜去玩o既意欲，結果24同25號都全日o係屋企度過，打下機清下之前買落o既輕小說咁就過左個節日

由於事件難忘深刻，特於xanga作一記錄

話說尋日下晝4點零，由西環返港大，過德輔道西條大馬路時行到一半有架紅van沖過黎，唯有退行一步等佢過左先行，點知就係因為呢一步，我身後一架o岩o岩上完人o既電車就hai左我一下，其實就完全冇事，不過個司機話公司規矩撞親人一定要報警，仲要勁緊張，o係部電話到聲線沉重咁話「我撞到人」。其實我完全冇事，但係因為要停車報警搞到成條線d車停晒，百幾二百人就因為呢hai一hai搞到要陪我一齊等，結果好多人都走左去搭其他車。

我多返強調我完全冇受傷，但係結果都係要等警察黎。而因為救護車個call台同警察係通o既，附近咁o岩又有架車o係度，結果連救護車都駛埋黎，我又要講多次我完全冇事唔駛去醫院唔駛驗傷。我、個電車司機同埋佢幾個同事就要等警察做晒記錄先走得。

不過電車公司做野又真係幾快手，一出事即刻好快有人趕到，應急能力算幾高。慘在個司機比上司就因為我唔睇車搞到本身好地地揸揸下車比個上司叫佢返廠，真係覺得有d對佢唔住……

去到最尾好似有個有線記者黎左，不過佢見冇傷冇盛交通又已經回復正常就連攝影機都冇拎起。

比較在意o既係個警察最後落簿做記錄寫o既係「中國籍男子」開頭，其實我有d想同佢講我唔係中國籍，不過廢事煩就由得佢啦。

今朝tort test炒左，好唔開心

o岩o岩收到另一個令人惋惜o既消息，就係陳鴻烈心臟病發逝世/__\

聽日考tort，到而家都未溫過，不過叫做做完cons law paper，係差未整reference同埋cut返二百字

呢排聽緊兩首洗腦歌= ="""

1.超電磁炮op only my railgun

2.queen's blade2 op 墜ちない空

明明cons law paper deadline就到而且完全未做過，但係我仲走去煲晒25集saki= =

睇完都係唔係好識d日本麻雀點計番=0=""""

但有乜可能次次都可以槓上自摸同海底撈月架，同埋槓上槓竟然唔係爆棚，真係神奇……